Бозори «Шоҳмансур» ва бозори хариду фурӯши автомашинаҳо, ки миёни мардум бештар бо «Мошинбозор» дар шаҳри Душанбе маъруф аст, кӯчонида мешаванд.
Тавре ба «Азия-Плюс» як манбаъ аз мақомоти шаҳрдории пойтахт дар ин робита хабар дод, кӯчонидани бозорҳои мазкур дар доираи амалисозии Нақшаи генералии шаҳри Душанбе сурат мегирад.
«Раиси пойтахт Маҳмадсаид Убайдуллоев ахири ҳафтаи гузашта ба сохторҳои марбутаи шаҳр дастур дод, ки макони сохтмони бозорҳои навро муайян кунанд», – гуфт манбаъ.
Зимнан зикр гардид, ки аллакай маълум аст, ки «Мошинбозор» аз қаламрави шаҳр берун бароварда мешавад.
