Аввали ҳафтаи равон таҳти раёсати раиси пойтахт Маҳмадсаид Убайдуллоев бо иштироки роҳбарони мақомоти ҳифзи ҳуқуқи шаҳрӣ, масъулини соҳа ва раисони ноҳияҳои пойтахт
ҷаласаи кории
мақомоти шаҳрдории Душанбе доир гардид.
Бино ба иттилои хадамоти матбуоти шаҳрдории пойтахт, дар ҷаласа ҷараёни амалисозии Нақшаи генералиии шаҳр, истифодаи иншооти зербинои шаҳр аз рӯи таъинот, қабл аз ҳама роҳҳои транзитии шаҳр баррасӣ шуданд.
Гуфта мешавад, раиси шаҳр таваҷҷуҳи иштирокдорони ҷаласаро ба масъалаҳои таъмири хушсифати роҳҳо, ва дар ҳолати хубу корӣ нигоҳ доштани наҳру селпартоҳои марзгузари шаҳр дар остонаи оғози мавсими боришот ҷалб намуд.
Дар ҷаласа ҳамчунин масоили омодагии техникаи коммуналии шаҳр ба зимистон, таъсиси ҷойҳои нави корӣ ва санҷиши ҳолати зиддисӯхтории бинову иншоотҳо низ баррасӣ шуданд.
Бахшида ба таҷлили бошукуҳи Рӯзи Парчами давлатии ҷумҳурӣ дастур дода шуд, ки истиқболи ин санаи муҳими рамзи давлатдории миллӣ дар Наврӯзгоҳи пойтахт тарҳрезӣ ва ба ин муносибат барои дарёфти беҳтарин сурудаҳо дар васфу таҷассуми Парчами давлатӣ миёни сарояндагон озмун эълон карда шавад.
