Дар Ивантеевкаи вилояти Маскав як зодаи Тоҷикистон боздошт шудааст, ки барои иштирок дар гурӯҳи ҷиноятпеша мавриди ҷустуҷӯи байнулмилалӣ қарор дошт.
Бино ба
иттилои
сомонаи расмии Сарраёсати ВКД Русия дар вилояти Маскав, кормандони пулис рӯзи 10 март дар яке аз хонаҳои кӯчаи Хлебозаводскаяи Ивантеевка шаҳрванди 20-солаи Тоҷикистонро боздошт кардаанд.
«Зимни санҷиши ҳуҷҷатҳо муайян карда шудааст, ки ин шахс аз ҷониби Тоҷикистон барои даст доштан дар содир намудани ҷиноятҳои пешбинишуда дар моддаи 187 КҶ ҶТ (иштирок дар иттиҳоди ҷамъиятӣ) таҳти пайгарди байнулмилалӣ қарор дорад», – зикр мегардад дар хабар.
Гуфта мешавад, мутобиқи ин модда ҷазои маҳрумият аз озодӣ ба муҳлати то 12 сол пешбинӣ шудааст.
