Дар Агентии назорати маводи нашъаовари назди Президенти ҶТ рӯзи 30 май вохӯрии директори Агентӣ Шерхон Салимзода бо сафири Русия дар Тоҷикистон Лякин-Фролов И.С. баргузор гардид.
Бино ба иттилои дафтари матбуоти Агентӣ, дар рафти вохӯрӣ масъалаҳои вобаста ба идомаи иҷрои «Созишнома байни АНМН ва Хадамоти федералии назорати маводи нашъаовариРусия оид ба расонидани кӯмак ба Агентӣ дар соҳаи назорати воситаҳои нашъаовар, маводи психотропӣ ва прекурсорҳо» мавриди муҳокима қарор гирифт.
Гуфта мешавад, директори Агентӣ сафирро барои дастгирии доимӣ сипосгузорӣ намуда, ба ҳамкории дуҷониба дар соҳаи назорати маводи нашъаовар, ташкил ва гузаронидани чорабиниҳои зиддимухаддиротӣ баҳои баланд дод.
Лякин-Фролов дар ҷавоб ба самтҳои афзалиятноки ҳамкорӣ байни сафорати Русия дар Тоҷикистон ва Агентӣ ишора карда, кӯшишҳои Агентиро дар самти мубориза бар зидди гардиши ғайриқонунии маводи нашъаовар мусбӣ арзёбӣ намуд.
