Аз 15 то 25 июн Ӯзбекистон вуруди шаҳрвандон, воситаҳои нақлиёт ва молу маҳсулот аз Тоҷикистон ба қаламрави кишварашро бозмедорад.
Тавре ба «Азия-Плюс» як манбаъ аз Сарраёсати Қушӯнҳои сарҳадии КДАМ Тоҷикистон дар ин робита иттилоъ дод, ки ин тадбир ба он хотир рӯйи кор омадааст, ки рӯзҳои 23-24 июн дар пойтахти Ӯзбекистон – шаҳри Тошканд нишасти сарони кишварҳои узви Созмони ҳамкории Шанхай доир мегардад ва ин яке аз тадбирҳои таъмини амният зимни баргузории ин чорабинӣ унвон мешавад.
Қобили зикр аст, ки дар робита ба нишасти сарони кишварҳои узви СҲШ дар Тошканд, Ӯзбекистон чунин тадбирро дар марзҳояш бо Қирғизистон, Қазоқистон, Афғонистон ва Туркманистон низ роҳандозӣ намудааст.
