Коллегияи судӣ оид ба парвандаҳои ҷиноятии суди вилояти Суғд сокини 64-солаи ноҳияи Деваштич (собиқ Ғончӣ) Абдуманнон Бурҳоновро барои қатли собиқ келини худаш Мавҷуда Вазироваи 32-сола ба 23 соли зиндони низомаш шадид маҳкум кард.
Моҳи июни соли 2016 ӯ ба манзили келинаш, ки бо қарори суд ба яке аз хонаҳои бобои кӯдаконаш маскун шуда буд, ворид шуда, дар пеши чашми 4 наберааш модари онҳоро бо корди дасташ якчанд маротиба ба аъзои баданаш ва якчанд маротибаи дигар бо зарфи обгирӣ (офтоба) ба қисми сараш мезанад, ки дар натиҷа келинаш ҷароҳати вазнини ҷисмонӣ бардошта, дар ҷойи ҳодиса ба ҳалокат расида буд.
Шавҳари зан – писари маҳкумшуда дар муҳоҷирати корӣ дар Русия қарор дорад. Ин рафтори худро ӯ дар мурофиаи судӣ чунин шарҳ дод, ки собиқ келинаш ҳамеша барои кӯдаконаш алимент талаб карда, ҳурмати ӯро ба ҷо намеовардааст.
