Дар Остонаи Қазоқистон зане назди бинои додстонӣ худро оташ задааст. Ин зан ҳамроҳи се нафари дигар то назди даромадгоҳи додситонӣ омада, болопӯшашро бароварда ва дар сару рӯяш бензин пошида худро оташ задааст.
Бино ба иттилои Радиои Озодӣ, ҳаракати зан "ногаҳонӣ ва ғайриинтизор" будааст. Расонаҳои маҳаллӣ хабар додаанд, ки зани маҷруҳ дар шуъбаи эҳёи бемористон бистарӣ шудааст.
Тибқи иттилои пешакӣ, ин зан Рисманова М.Е, соли таваллудаш 1968 аст. Додситонӣ гуфтааст, эҳтимол сабаби худсӯзии вай эътироз ба ҳукми писари 28-солааш аст. Моҳи июни соли гузашта писари вай бо айби нигаҳдории маводди мухаддир ба 4,5 соли зиндон маҳкум шуда будааст.
