Духтар-калкулятор. Ҳайрати тамошобинони рус аз қобилияти боз як тоҷикдухтар

Ёсуман Усмонзода, сокини шаҳри Душанбе тамошобинони барномаи телевизионии «Удивительные люди»-ро дар шабакаи телевизиони Русия тасхир кард: ӯ хеле зуд ва барқосо чун калкулятор дар зеҳнаш ҳисобу китоб мекунад. Тавре чанде пеш дар бораи Манижа Тошболтаенва навишта будем, Ёсуман низ муддати як сол боз дар Академияи ҳисоби зеҳнии пойтахти ҷумҳурӣ таълим мегирад.