Каромат Шарипов дар озодӣ буда, ният дорад, ки бо вазири корҳои дохилии Тоҷикистон ва сафири Русия дар Тоҷикистон вохӯрад.
Дар ин бора ӯ ба ровии радиои Asia-Plus Беҳрӯз Насриддинов, ки тасодуфан ба ӯ дар кӯча дучор омад, изҳори назар кард.
Ба савол дар бораи вазъи саломатиаш Шарипов қайд кард, ки худро беҳтар ҳис мекунад ва акнун ният дорад, ки ҳуқуқҳои худро барқарор намояд.
«Ман собиқадори Қувваҳои Мусаллаҳи Русия мебошам ва хостори онам, ки ҳуқуқҳоям риоя шаванд. Тоҷикистон маро қабул кард ва ин ҷо ман мехоҳам, ки адолату ҳақиқатро барқарор созам», – изҳор мекунад Шарипов.
Номбурда ҳамчунин таъкид дошт, ки дар кучое набошад, аз ҳуқуқҳои муҳоҷирони меҳнатии тоҷик дар Русия ҳимоя хоҳад кард ва сабаби истирдоди ӯ на шахсони алоҳида, балки низоми ташкилшуда мебошад.
https://www.youtube.com/watch?v=5OkPDgZQo1Q
Ёдрас мекунем, ки баъди аз ҷониби суди вилояти Маскав бетағйир боқӣ гузошта шудани қарори зинаи аввали судӣ, ки дар он Каромат Шарипов ба ғайриқонунӣ гирифтани шиносномаи Русия гунаҳкор эътироф гардид, санаи 12 декабр ӯ аз қаламрави Русия хориҷ карда шуд.
