Сатҳи нисбатан баланди таваррум дар бозори истеъмолии Тоҷикистон аз оғози сол моҳи май ба қайд гирифта шуд: моҳи гузашта нарху тарифҳои хизматгузорӣ 0,6% боло рафтанд.
Сатҳи солонаи таваррум (12 моҳи охир) ба охири моҳи май 1,7%-ро ташкил дод, хабар медиҳад Бонки миллии Тоҷикистон.
Болоравии нархҳои истеъмолӣ аз оғози сол (давоми панҷ моҳ) 0,4%-ро ташкил дод. Ин ба он вобаста аст, ки тӯли моҳҳои феврал ва марти соли равон поинравии нарху тарифҳо ба мушоҳида расида буданд.
Ҷараёни думоҳаи коҳиши нарху тарифҳои хизматгузорӣ моҳи апрел ба итмом расида, ин моҳ мизони таваррум ба 0,5% баробар шуд.
Ёдрас мекунем, ки аз рӯи натиҷаҳои соли 2017 сатҳи таваррум дар Тоҷикистон 6,7 фоизро ташкил дод. Соли равон нигоҳдории мизони таваррум дар сатҳи 7 фоиз ба нақша гирифта шудааст.
Давоми солҳои охир сатҳи нисбатан баланди таваррум соли 2011 ба қайд гирифта шуд, ки нарху тарифҳо ба андозаи 12,5% боло рафта буданд. Сатҳи нисбатан пастттари таваррум тӯли солҳои истиқлолият соли 2013 – 5,1 фоиз сабт шудааст.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
