Ширкати фаронсавии «Sadbarg» аз 1 октябр маълумотномаи онлайни ҳуқуқиро дар шабака зери унвони SADBARG роҳандозӣ намуд.
Айни замон дар маълумотнома наздики 200 истилоҳи ҳуқуқӣ ва маълумот бо забони тоҷикӣ ва русӣ дарҷ ёфтааст, хабар дода мешавад дар сомона.
Ба гуфтаи таҳиягарон, маълумотнома бар асоси қонунгузории амалкунандаи Тоҷикистон тартиб дода шуда, зери ҳар як маълумотнома ба санадҳои ҳуқуқӣ, ки зимни таҳия аз онҳо истифода шудааст, истинод дода мешавад.
“Бо санадҳои ҳуқуқӣ метавон дар шакли pdf шинос шуд. Маълумотномаҳои нав доимо илова шуда, ҷойдоштааш мувофиқи тағйироту иловаҳо дар қонунгузорӣ нав карда мешаванд”, – хабар дод ба “Азия-Плюс” адвокати ширкати фаронсавии SADBARG аз Тоҷикистон Умар Арабов.
Бино ба қавли номбурда, ҳадаф аз лоиҳа пешниҳоди имконот ба мардум ҷиҳати дастрасӣ ба маълумоти бепулу ройгон ва дастрасу бепул аз рӯи масоили муҳими ҳуқуқӣ аст.
Маълумотнома аз 10 афсл, аз ҷумла фаслҳои масоили оилавӣ, мавзӯъҳои тандурустӣ, вазъи шаҳрвандӣ, амволи ғайриманқул ва ғайра иборат аст
“Ҳамчунин як фасл ба муҳоҷирони корӣ дар Россия бахшида шудааст. Маълумотномаҳо дар ин фасл бар асоси қонунгузории Россия таҳия шуда, ба масоили муҳим барои муҳоҷирон, аз қабили сафар, кору зиндагӣ дар Россия, гирифтани патент, душаҳрвандӣ ва ғайра дахл доранд”, – қайд кард Арабов.
Ширкати SADBARG моҳи сентябр махсус барои ҳамин лоиҳа таъсис дода шуд. Айни замон ширкат танҳо бо сомонаи маълумотномаи ҳуқуқӣ машғули кор аст. Умар Арабов яке аз муассисони ширкат мебошад.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
