Бо амри раиси шаҳри Душанбе Рустами Эмомалӣ комиссия таъсис дода шуд, ки минбаъд вазъи муассисаҳои таълимии навбунёдро мавриди санҷиш қарор медиҳад.
Раиси пойтахт аз он изҳори нигаронӣ кардааст, ки дар баъзе аз мактабҳои таҳсилоти умумӣ, ки ҳанӯз чанде қабл ба истифода дода буданд, қисмате аз мебел корношоям шуда, баъзе синфу озмоишгоҳҳову аллакай ба таъмир ниёз доранд ва қаламрави гирду атрофи мактабҳо дар ҳолати беназоратӣ ва харобӣ қарор дорад.
Бо амри Рустами Эмомалӣ, оид ба санҷиши истифодабарии вазъи муассисаҳои таълимии навбунёди шаҳри Душанбе таҳти роҳбарии муовини аввали раиси пойтахт Комиссияи доимӣ таъсис дода мешавад.
“Комиссия вазифадор карда шавад, ки ҳар шаш моҳ баъд аз ба истифода додани иншооти нави соҳаи маориф санҷиши ҳолати воқеии онро ба роҳ монда, аз натиҷааш ба унвонии Раиси шаҳри Душанбе ахборот пешниҳод намояд”, – омадааст дар амр.
Аз рӯи натиҷаҳои санҷиши комиссия нисбати мудирони мактабҳои шаҳр чораҳо – то аз мансаб сабукдӯш шудан андешида мешавад.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
