Мунтахаби футболи наврасони Тоҷикистон (U-16) дар мусобиқаи Ҷоми Президенти Қазоқистон-2019 оид ба футбол дар Нур-Султон, ки санаи 28 август анҷом ёфт, зинаи дуюмро ишғол намуд.
Дар бозии финалии мусобиқа футболбозони тоҷик аз дастаи мунтахаби футоли наврасони Қазоқистон (U-17) бо ҳисоби 0 бар 3 шикаст хӯрданд, хабар медиҳад сомонаи расмии Федератсияи футболи Тоҷикистон.
Қаблан дар бозиҳои даври гурӯҳӣ наврасони тоҷик бар дастаҳои Арманистон (2:1) ва Қазоқистон (2:1) дастболо шуда буданд.
Бо касби зинаи дуюм ба футболбзони навраси тоҷик ба ҷуз медалҳои нуқраи мусобиқа, ҳамчунин дар ҳаҷми 5 ҳазор доллар мукофотпулӣ тақдим шуд.
Ғолиби мусобиқа – дастаи Қазоқистон бо медали тилло ва 7 ҳазор доллар мукофотпулӣ ва соҳиби медалҳои бириниҷии мусобиқа – тими Литва бо 3 ҳазор доллар мукофотпулӣ қадрдонӣ шуданд.
Бозигари мунтахаби футболи наврасони Тоҷикистон Алиҷони Айнӣ беҳтарин ҳимоятгари мусобиқа дониста шуд.
Маводи мо бо суроғаҳои news.tj ё asiaplus.news тариқи браузери Opera (ба кор даровардани VPN лозим аст) қобили дарёфт аст. Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
