Собиқ муовини сарвазири Тоҷикистон Азим Иброҳим, ки 31 август бо фармони президент вазири нақлиёти ҷумҳурӣ таъин шуд, дигар ба ҳайси ҳамраиси Комиссияи муштараки байниҳукуматии Тоҷикистону Қирғизистон оид ба баррасии маҷмӯи масъалаҳои дуҷониба фаъолият намекунад. Дар ин бора ба “Азия-Плюс” як манбаъ аз ҳукумати Тоҷикистон хабар дод.
Дар ҷаласаи навбатии Комиссияи байни ҳукуматии Тоҷикистону Қирғизистон оид ба муайян кардани хати гузариши сарҳад байни давлатҳо, ки ба наздикӣ доир мегардад, ҳайати Тоҷикистонро муовини дигари сарвазир Давлатшоҳ Гулмаҳмадзода роҳбарӣ мекунад.
Тавре қаблан хабар дода будем, фаъолияти гурӯҳҳои кории байниҳукуматӣ оид ба муайян кардани хати гузариши сарҳади давлатӣ байни Тоҷикистону Қирғизистон дар замони пандемия ҳам идома ёфт.
Ба наздикӣ дар шаҳри Хуҷанд ҷаласаи навбатии комиссияи муштараки байниҳукуматии Тоҷикистону Қирғизистон оид ба баррасии маҷмӯи масъалаҳои дуҷониба доир мегардад.
Ҳамраиси комиссияи мазкур аз ҷониби Қирғизистон муовини сарвазири ин кишвар Акрам Мадумаров мебошад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
