Раиси Маркази назорати давлатии санитарию эпидемиологии вилояти Суғд (СЭС) Абдумавлон Абдуллозода бо як фармони вазири тандурустӣ ва ҳифзи иҷтимоӣ аз мақомаш барканор шудааст. Ин хабарро як манбаъ аз СЭС-и вилояти Суғд ба "Азия-Плюс" таъйид кард.
Хабари барканории Абдумавлон Абдуллозода дар пасманзари хабарҳои ахир дар мавриди тағйири вазъи эпидемологӣ дар шаҳри Хуҷанд, нигарониҳои хосеро ба дунбол дорад. Вале ҳоло маълум нест, ки барканории раиси акнун собиқи СЭС-и вилоят ба ин хабарҳо рабте дорад ё не.
Абдумавлон Абдуллозода, дар мақоми сардори Маркази назорати давлатии санитарию эпидемиологии вилояти Суғд ҳамагӣ 8 моҳ кор кард.
Ҳоло гуфта мешавад, ки Таҳмина Усмонова сардори Маркази назорати давлатии санитарию эпидемиологии Хуҷанд ба ҷойи Абдуллозода дар ин мақоми вилоятӣ омадааст.
Бояд гуфт, ки ҳафтаи гузашта хабарҳо нашр шуд, ки як шаҳрванди хориҷ дар яке аз омӯзишгоҳҳои вилояти Суғд тести каронавирус супоридааст, ки натиҷааш мусбат будааст. Ҳатто мудири озмоишгоҳи "Луқмони Ҳаким", ки ин ташхисро анҷом дода буд, дар суҳбат ба "Азия-Плюс" инро таъйид кард. Ҳамчунин гуфта мешуд, ки Беморхонаи бемориҳои сироятии шаҳри Хуҷанд ҳам шумори гирифторони илтиҳоби шуш, ки бистарӣ шудаанд ба 15 нафар расидааст.
Ин хабар аз сару садоҳоро дар бораи бозгашти дигарбороаи коронавирус зиёд кард, аммо вазири тандурустии Тоҷикистон Ҷамолиддин Абдуллозода ин хабарҳоро беасос номид.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
