Дар шоҳрои ноҳияи Лахш – Душанбе бар асари садамаи нақлиётӣ 25 сар моли хурд ба ҳалокат расида, як тонна мева нобуд шудааст. Ронанда аз уҳдаи идораи мошин набаромада, ба дарёи Сурхоб сарозер шудааст. Дар ин бораи КҲФ хабар медиҳад.
Бино ба иттилои манбаъ, ин ҳодиса нимишабии рӯзи 24-уми ноябри соли 2022, тахминан соати 00:00 дар қаламрави деҳаи Ялдамичи ҷамоати деҳоти Қалъанаки ноҳияи Рашт рух додааст. Мошини боркаш тамғаи «Mercedes-Benz Sprinter» будааст, ки аз ноҳияи Лахш ба самти Душанбе ҳаракат доштааст.
Гуфта мешавад, ки рондада ва мусофири мошин худ тавонистаанд худро наҷод диҳанд ба ба соҳил бароянд.
Наҷотдиҳандагони КҲФ дар минтақаи Рашт ба ҷойи ҳодиса расида, бо истифода аз таҷҳизоти наҷот мошинро аз дарё берун кашиданд.
