Раҳим Саидзода, вазири маориф ва илми кишвар имрӯз, 2-юми феврал, зимни нишасти матбуотӣ гуфт, хонандагони мактабҳо имсол аз якуми июн ба таътили тобистона мебароянд.
Ӯ гуфт, соатҳои дарсие, ки давоми 10 рӯзи иловагии истироҳатии моҳи январ (аз 10 то 20-уми январ) хонда нашуданд, дар панҷ рӯзи таътилии моҳи март ва се рӯзи чоряки чаҳорум ҷуброн карда мешавад.
Бояд гуфт, ки таътили зимистонаи хонандагони мактабҳо, ки 10 рӯз буд, имсол дар пайи сардиҳои шадид тамдид карда шуд ва хонандагон то 20-уми январ истироҳат намуданд.
Он замон гуфта мешуд, ки соатҳои дарсии нахонда, аз ҳисоби таътили баҳорӣ ва тобистонӣ ҷуброн карда мешаванд, ки ин боиси ташвиши баъзе аз волидон гашт.
