Тими миллии наврасони то 17-солаи Тоҷикистон дар даври дуюми марҳилаи гурӯҳии мусобиқаи Ҷоми Осиё-2025 (U-17) аз мунтахаби Куриёи Шимолӣ шикаст хӯрд.
Ин рақобат шоми дирӯз, 8-уми апрел дар варзишгоҳи “Шоҳзода Абдуллоҳ Спортс Сити Холл” шаҳри Ҷиддаи Арабистони Саудӣ баргузор гардида, бо натиҷаи 3:0 ба нафъи куриёиҳо хотима ёфт.
Наврасони Куриёи Шимолӣ ҳарсе голро дар нимаи дувуми дидор ба самар расонданд. Ду голро Пак Кванг – Сонг дар дақиқаҳои 50-ум ва 58-ум ва голи сеюмро Ри Канг – Рим дар дақиқаи 82-юм ба дарвозаи мунтахаби Тоҷикистон ворид кард.
Бозии дигари ин гурӯҳ миёни тимҳои милли наврасони Эрон ва Уммон бо ҳисоби 2:3 ба фоидаи уммониҳо ба анҷом расид.
Дар ҳоли ҳозир наврасони тоҷик дар ҷадвали гурӯҳи "D" дар ҷои дуюм қарор доранд. Куриёи Шимолӣ баъд ғалабаи имрӯза соҳиби 4 имтиёз шуда, дар садри ҷадвали гурӯҳ мавқеъ гирифт.
Бо ин тартиб ҳар чаҳор даста, аз ҷумла тими миллии Тоҷикистон ҳанӯз ҳам имкони баромадан аз гурӯҳ ва роҳхат ба Ҷоми ҷаҳон миёни наврасонро доранд. Вале барои Тоҷикистон лозим аст, ки дар бозии охирини марҳилаи гурӯҳӣ, ки муқобили мунтахаби Эрон рӯзи 11-уми апрел баргузор мешавад, пирӯз гардад.
Қаблан, тими милии наврасони тоҷик дар гурӯҳи худ дастаи Уммонро бо ҳисоби 2:1 шикаст дода буд.
