Мунтахаби миллии футзали Тоҷикистон имрӯз, 28 январ бозии нахустинашро бо тими миллии Ӯзбекистон дар мусобиқоти Ҷоми Осиё-2026 дар Индонезия оғоз мекунад.
Дар вохӯрии аввали даври гурӯҳӣ мунтахаби Тоҷикистон бо ҳарифи дерину усулии худ – тими мунтахаби кишвари ҳамсояи Ӯзбекистон бозӣ мекунад.
Бозӣ дар маҷмааи варзишии “Индонезия-Арена” доир гардида, соати 17:00 ба вақти Душанбе оғоз мешавад. Дар ин бора Федератсияи футболи Тоҷикистон хабар медиҳад.
Аз рӯи натиҷаҳои қуръапартоӣ мунтахаби Тоҷикистон дар гурӯҳи “С” қарор гирифт. Ба ин гурӯҳ ҳамчунин дастаҳои Ҷопон, Ӯзбекистон ва Австралия шомил шуданд. Ҳамчунин имрӯз дар ин гурӯҳ дастаҳои Ҷопон ва Австралия бо ҳам рақобат мекунанд.
Мусобиқоти Ҷоми футзали Осиё-2026 рӯзи 27 январ оғоз шуд. Дар ин мусобиқа 16 дастаҳои қора, ки ба 4 гурӯҳ тақсим шудаанд, бозӣ мекунанд.
Тибқи қоидаҳои мусобиқа, аз ҳар гурӯҳ ду дастаи беҳтарин ба даври чаҳорякниҳоӣ роҳ меёбанд. Мусобиқа то 7 феврал идома меёбад.
Вохӯрӣ бо тими Ӯзбекистон имтиҳони муҳиму ҷиддӣ барои мунтахаби Тоҷикистон буда, барои роҳ ёфтан ба даври плей-офф (даври ҳазфӣ) метавонад нақши калидӣ бозад.
Ҷадвали бозиҳои мунтахаби Тоҷикистон (гурӯҳи “С”):
28 январ. Ӯзбекистон — Тоҷикистон.
30 январ. Тоҷикистон — Австралия.
1 феврал. Тоҷикистон — Ҷопон.
