“Пардохти экологӣ барои истифодаи сӯзишворӣ аз ҳар як намуди воситаи нақлиёт, новобаста аз тамға, қувваи муҳаррик ва ҳаҷми партови он ба муҳити зист, ситонида мешавад”, – гуфтааст ӯ.
Қаҳҳорзода ҳадафи ин тағйиротро “такмили низоми пардохтҳои экологӣ ва дастгирии ихтироъкорон” унвон дода, гуфтааст, таҷрибаи давлатҳои ҳамсоя ва шарикони рушд ба назар гирифта шудааст.
Аммо меъёри пардохт маълум нест ва ба қавли вазир, он аз ҷониби ҳукумати кишвар муқаррар карда мешавад. Маблағи пардохти экологӣ аз воридкунандагон ба даромади буҷети ҷумҳуриявӣ гузаронида мешавад.
Муродулло Шерализода хатмкардаи Институти давлатии педагогии шаҳри Душанбе буда, фаъолияти адабиашро аз рӯзномаи “Маориф ва маданият” оғоз кардааст. Ӯ солҳо дар Институти таърихи партияи назди КМ ПК Тоҷикистон – филиали Институти марксизм-ленинизми назди КМ КПСС кор кардааст.
Беш аз даҳ сол дар шаҳрҳои Мазори Шариф ва Кобули Ҷумҳурии Афғонистон ба сифати тарҷумон фаъолият дошт ва баъди даъват ба КМ ПК дар вазифаҳои гуногун фаъолият кард.
Ширкати “Сool Design” тарҳи Маркази тиҷоратӣ ва савдо, ки дар ҷои бозори пешини “Шоҳмансур”, маъруф ба “Зелёний бозор” сохта мешавад, нашр кард. Яке аз биноҳо 55-ошёна хоҳад буд.
Ин ширкат, ки зоҳиран масъули омода кардани тарҳи ин марказ аст, навиштааст, ғайр аз ширкатҳои тоҷикистонӣ, дар сохтмони ин тарҳ ҳамчунин, ширкатҳои махсус аз Ӯзбекистон, Русия ва Имороти Муттаҳидаи Араб низ иштирок мекунанд.
“Ин маҷмаа дар кӯчаҳои А. Дониш, Н. Муҳаммад, А. Деҳлавӣ, А. Лоҳутӣ (ҷое, ки “Зелёний бозор” ҷойгир буд), А. Адҳамов, Ф. Аттор ва С. Шедрина ҷойгир хоҳад шуд”, – навиштааст ширкат.
Бояд гуфт, ки ҳашт сол пеш, рӯзи 9-уми октябри соли 2017, бозори маъруф ба “Зелёний бозор” дар пойтахт бо қарори Рустами Эмомалӣ, шаҳрдори Душанбе барҳам дода шуд ва савдогарони он ба бозори “Меҳргон” кӯчиданд.
Ҳамон сол аз шаҳрдории пойтахт ба “Азия-Плюс” гуфтанд, ки дар ҷойи бозор “маркази муосири бисёрсоҳавӣ бо нуқтаҳои фурӯши ҷавобгӯ ба талаботи ҳозира сохта мешавад”. Аммо бо гузашти вақт дар ҷойи бозор ягон иншоот сохта нашуд ва замини он холӣ монда буд.
Дар маркази шаҳри Душанбе дафтари нави BIMA Life ба кор оғоз кард. Маросими тантанавӣ кормандони ширкат, шарикон ва меҳмонони аввалинро ба ҳам овард — онҳоеро, ки на танҳо барои тамошо, балки барои дарки як нуктаи муҳим омадаанд: суғуртаи ҳаёт чист ва чаро маҳз ҳозир он зарур аст?
BIMA Life хидматрасониҳои хос дорад. Яке аз онҳо суғуртаи пасандозии ҳаёт аст. Ин, дар асл, як “кӯзачаи ҳушманд” аст, ки пардохти маблағро дар ҳар гуна вазъияти зиндагӣ кафолат медиҳад. Агар шумо то анҷоми муҳлати шартнома саломат бимонед, тамоми маблағи ҷамъшударо бозпас мегиред. Дар сурати рӯй додани ҳолатҳои пешбининашуда бошад, ширкат фавран барои дастгирии молиявии оилаи шумо маблағ пардохт мекунад.
Фарқияти асосӣ дар он аст, ки маблағи пардохткардаи шумо “намесӯзанд”. Ягона василаи молиявие, ки дар он шумо ҳамзамон ҳам сармоя ҷамъ мекунед ва ҳам таҳти ҳимоя мебошед.
Ташкилот ҳафт пешниҳод мекунад: “Пешрафт”, “Ояндасоз”, “Мерос”, “Малика”, “Кафолат”, “Шарики Ҳаёт” ва “Шарики Кӯдакона”. Ҳар кадоме барои вазъияти гуногуни зиндагӣ ва синну соли мухталиф пешбинӣ шудаанд. Шартҳо низ фарқ мекунанд: “Мерос” то 77, “Ояндасоз” то 21-солагӣ. Интихоб хеле васеъ аст.
Яке аз маҳсулоти маъмултарин – “Ояндасоз” мебошад. Усули кори он оддӣ аст: муштарӣ мунтазам давраҳои муайяншуда маблағ мегузорад, то дар ҳолатҳои пешбининашуда онро бар нафъи худ ё фарзандаш истифода кунад. Ё баъд аз анҷоми мӯҳлати шартнома бозпас гирад.
Суғуртаи ҳаёт — ин на дар бораи тарс, балки дар бораи боварӣ аст. Боварӣ ба он ки фардо – чӣ гунае ки набошад – шумо ва оилаи шумо ба он омода ҳастед.
