Дастаи мунтахаби наврасони Тоҷикистон (U-16) пас аз мусовӣ бо Ӯзбекистон, қаҳрамони мусобиқаи Ассотсиатсияи футболи Осиёи Марказӣ (CAFA) дар соли 2026 шуд. Набарди дастаҳо дирӯз, 13-уми апрел дар доираи даври охири мусобиқа дар варзишгоҳи “Дӯстлик”-и Тошканд баргузор шуда, бо натиҷаи 0:0 поён ёфт.
Мусобиқаи CAFA бо ширкати 5 даста – Тоҷикистон, Афғонистон, Ӯзбекистон, Қирғизистон ва Туркманистон баргузор шуд.
Ҳамин тариқ, мунтахаби наврасони Тоҷикистон, зери раҳбарии Ҷаъфар Аҳмадов дар 4 бозӣ 3 ғалаба ва як мусовӣ карда, бо 10 имтиёз қаҳрамониро дар мусобиқаи CAFA ба даст оварданд: Тоҷикистон – Туркманистон (5:1), Тоҷикистон – Қирғизистон (4:0) ва Тоҷикистон – Афғонистон (3:2).
Ӯзбекистон имсол ҷои дуюм ва Қирғизистон мақоми сеюмро соҳиб шуд.
Ин панҷумин қаҳрамонии дастаи мунтахаби наврасони то 16-солаи Тоҷикистон дар ин мусобиқа аст. Пештар тими мо дар солҳои 2019, 2022, 2023 ва 2025 низ зинаи аввалро гирифта буд.
