“Somon.tj” – пойгоҳи №1 дар соҳаи амволи ғайриманқул дар Тоҷикистон натиҷаҳои таҳлили бозорро барои семоҳаи якуми соли 2026 (Q1 2026) нашр кард. Натиҷаҳо нишон медиҳанд, ки бозор ҳамоно фаъол боқӣ монда, қисми асосии талабот ба пойтахт рост меояд.
Аз рӯйи нишондиҳандаҳо, 71,4%-и хариду фурӯши манзил шаҳри Душанберо фаро мегирад, яъне қариб аз ҳар чор фурӯш сетояш маҳз дар пойтахт сурат мегирад. Ин нишондиҳанда бори дигар мақоми пойтахтро ҳамчун маркази асосии талабот, сармоягузорӣ ва шаҳрнишинӣ тасдиқ мекунад.
Шаҳри Хуҷанд бо 13,8% дар мақоми дуюм буда, дар зинаҳои баъдӣ шаҳру навоҳии зер қарор доранд:
• Рӯдакӣ — 4,9%
• Бохтар — 2,6%
• Ваҳдат — 2,5%
• Турсунзода — 2,1%
Мутахассисони “Somon.tj” қайд мекунанд, ки бозори минтақаҳо низ марҳила ба марҳила рушд мекунанд, аммо пойтахт ҳамоно муҳаррики асосии бозори амволи ғайриманқул боқӣ мемонад.
Нархи хона дар Тоҷикистон чанд аст?
Дар семоҳаи аввали соли ҷорӣ арзиши манзил дар шаҳри Душанбе гаронтарин буда, нархи миёнаи хона тақрибан 850 ҳазор сомониро ташкил медиҳад.
Ҳамзамон, дар як қатор минтақаҳо низ нишондиҳандаҳои наздик ба ин ба қайд гирифта шудаанд:
• Ванҷ — 830 ҳазор сомонӣ;
• Нуробод — 600 ҳазор сомонӣ;
• Варзоб — 560 ҳазор сомонӣ;
• Хоруғ — 540 ҳазор сомонӣ;
• Ховалинг — 500 ҳазор сомонӣ;
• Хуросон — 490 ҳазор сомонӣ;
• Мӯъминобод — 460 ҳазор сомонӣ;
• Исфара — 440 ҳазор сомонӣ;
• Бӯстон — 430 ҳазор сомонӣ.
Тавре ки шарҳ медиҳанд, арзиши воқеии манзил аз масоҳат, ҳолати бино, таъмир ва ҷойгиршавии дақиқ вобаста аст.
“Somon.tj” то ҳол бузургтарин пойгоҳи эълонҳо дар кишвар боқӣ мемонад ва нишондиҳандаҳояш чунин аст:
• зиёда аз 2 млн истифодабаранда;
• беш аз 18 млн боздид дар як моҳ;
• зиёда аз 500 ҳазор эълони фаъол ҳар рӯз.
Пойгоҳ бахшҳои гуногун – аз амволи ғайриманқул ва нақлиёт то ҷойи кор ва техникаро фаро мегирад.
Эълонҳои нав ва пешниҳодҳои муҳиму саривақтӣ оид ба амволи ғайриманқул дар саҳифаи асосии пойгоҳи “Somon.tj” дар бахши “Амволи ғайриманқул дар Somon.tj” дастрас аст.
