Душанбе. 14-уми август. ОИ «Азия-Плюс» – Ба наздикӣ раиси Ҳизби Сосиал-Демократии Тоҷикистон (ҲСДТ) Раҳматилло Зойиров ба шаҳри Хоруғ ташриф овард.

Имрӯз дар мусоҳиба бо хабарнигори ОИ «Азия-Плюс» ӯ изҳор дошт, ки дар шаҳри Хоруғ 16-уми август баргузории конфронси навбатии ҳизб дар назар аст.

Иштирокдорони конфронс як қатор масъалаҳои муҳими ҳизбиро муҳокима карданианд. «Дар назар аст, ки қабл аз ҳама, масъалаи интихоби роҳбари нави шӯъбаи вилоятии ҳизб ва комиссияи тафтишотии он баррасӣ мешавад, – гуфт мавсуф. – Ҳамчунин ҲСДТ стратегияи иштирок дар интихоботи қарибулвуқӯъро дар Бадахшон таҳия месозад».

Р.Зойиров зикр кард, ки то баргузории конфронс пагоҳ, 15-уми август

 

Дафтари ҳамкории Швейтсария ва Маркази маориф ва рушди иҷтимоиву иқтисодӣ дар мавзӯи «Стратегияи рушди иҷтимоӣ ва иқтисодии минтақаи дорои мушкилоти зиёд» мизи мудаввар доир месозанд, ки он ҷо ӯ чун мураббӣ фаъолият хоҳад кард.

Душанбе. 14-уми август. ОИ «Азия-Плюс» – Шӯрои Ассамблеяи парлумонии Созмони паймони амнияти дастаҷамъӣ (АП СПАД) Гурҷистонро барои қатли оми мардуми осетин маҳкум кард ва изҳор дошт, ки амалиёти низомии Тифлис дар Осетияи Ҷанубӣ имкони гуфтушуниди сиёсии мусолиҳатомезро миёни тарафҳои даргир аз байн бурд.

 

«Бо баҳонаи барқарории тамомияти арзии кишвар Гурҷистон ба қатли оми мардуми осетин даст зад ва ин амал ба зуҳури фоҷеаи гуманитарӣ боис гардида, эҳтимолияти ҳалли мусолиматомези қазияро ғайрримкон сохт», – гуфта мешавад дар изҳороти АП СПАД.

Аъзои шӯро бар ин назаранд, ки воридшавии артиши Русия «чораи таъҷилӣ» буда, ба хотири амнияти аҳолии осоишта ва гурӯҳи низомии посдорони сулҳ сурат гирифт.

«Ахиран рафтори мақомоти раҳбарии Гурҷистон ба мавқеи аксари кишварҳои узви Иттиҳоди Давлатҳои Мустақил мухолиф меомад», – зикр шудааст дар изҳорот.

Намояндагони парлумони кишварҳои узви СПАД аз мақомоти раҳбарии Гурҷистон даъват ба амал оварданд, ки аз баргузории ҳама гуна амалиёти низомӣ дар Осетияи Ҷанубӣ даст кашад.

СПАД соли 1992 таъсис ёфта, ба ҳайати он давлатҳои Арманистон, Белорус, Қазоқистон, Қирғизистон, Русия, Тоҷикистон ва Ӯзбекистон шомил мебошанд.

Қобили зикр аст, ки изҳороти ин созмон танҳо пас аз панҷ рӯзи даргириҳо дар Осетияи Ҷанубӣ баён гардид.

Душанбе. 14-уми авугст. ОИ «Азия-Плюс» –


Ба сохтмони нер


ӯ


гоҳи обию барқии «Нуробод-2»

 

дар дарёи Хингоб ширкати чиноии


«Sinohydro»


тава


ҷҷ


ӯ


ҳ намуд. Аз Вазорати энергетика ва саноати ҷумҳурӣ ба ОИ «Азия-Плюс» хабар доданд, ки лоиҳаи созишнома таҳия гардида, ба ширкати чиноӣ пешкаш шудааст.

Бино ба иттилои манбаъ, и


қтидори лоиҳавии нерӯгоҳи «Нуробод -2» 200 МВт-ро ташкил дода, он дар 23 километрии резишгоҳи рӯдхонаи Хингоб бунёд мешавад ва ҳамасола 740 млн. киловатт-соат нерӯи барқ истеҳсол хоҳад кард.

«Танҳо баъди имзои созишнома ширкат ба таҳияи заминаи техникиву фаннии лоиҳа шурӯъ хоҳад кард, ки пас аз он арзиши умумии лоиҳа ва тарзи сохтмони он муайян карда мешаванд», – иттилоъ дод манбаъ.

Ёдрас мекунем, ки созишномаи сохтмони нерӯгоҳи обиву барқии «Ёвон» дар рӯдхонаи Зарафшон моҳи январи соли 2007 дар шаҳри Пекин аз ҷониби раиси ширкати «Барқи тоҷик» Шарифхон Самиев ва президенти ширкати хитоии


«


Sinohydro


»




Чин Фан Тсзисян


ба имзо расида буд.

Тибқи шартнома, барои бунёди иншоот Чин ба Тоҷикистон ба миқдори беш аз 200 млн. доллари амрикоӣ қарзи имтиёнок (ба мӯҳлати 25 сол бо пардохти 1 фоизи солона) ҷудо мекунад.


«


Sinohydro


» ӯҳдадор шуд,


сохтмони




иншоотро




дар




муддати


36


моҳ




ба




анҷом




расонад


.

Мувофиқи лоиҳа, ҳамчунин сохтмони хати интиқоли барқи иқтидори 220 киловолт дар масофаи


60 км

то зеристгоҳи 220 киловолтаи «Рӯдакӣ» дар шаҳри Панҷакент ба нақша гирифта шуд, ки барои минбаъд пурра таъмин сохтани ноҳияи Панҷакент бо нерӯи барқ пешбинӣ гардида буд. Мувофиқи санади асоснокии фанниву иқтисодии тарҳи нерӯгоҳ, ки ҷониби Чин таҳия сохтааст, иқтидори истеҳсолии нерӯгоҳ 150 мегаватт ва истеҳсоли солонаи нерӯи барқ дар он ба 600 млн. кВт/соат баробар аст.

Аммо баъдтар Ӯзбекистон номаи ъэтирозӣ ирсол дошта, иддаъо намуд, ки «бунёди нерӯгоҳи барқӣ дар рӯдхонаи Зарафшон ба низоми обёрии заминҳои чаҳор вилояти он таъсири манфӣ хоҳад расонд».

Душанбе. 14-уми август. ОИ «Азия-Плюс» – Вазорати тандурустии Тоҷикистон ният дорад, дар ноҳияҳои Данғара ва Шаҳринав ду шӯъбаи таълимии омодасозии табибони оилавӣ боз кунад.

Аз Вазорати тандурустӣ ба ОИ «Азия-Плюс» хабар доданд, ки шӯъбаҳо дар чаҳорчӯбаи татбиқи барномаи идоравии «Дар бораи тайёр кардани мутахассисони соҳаи тиб дар солҳои 2006-2010» ташкил карда мешаванд.

«Шӯъбаҳои мазкур бо мақсади баланд бардоштани сатҳи касбии мутахассисони соҳаи тиб дар маҳалҳо ташкил мегарданд», – изҳор дошт манбаъ. Бино ба иттилои манбаъ чунин шӯъбаҳо аллакай дар шаҳрҳои Кӯлоб, Истаравшан, Панҷакент ва ноҳияҳои водии Рашт амал мекунанд.

Хуҷанд. 14-уми август. ОИ «Азия-Плюс» – Кормандони хоҷагии оби вилояти Суғд барои ҳалли мушкилоти норасоии об ба таъмири ҳамаҷонибаи гидрантҳо шурӯъ карданд.

Муовини сардори раёсати хоҷагии оби вилоят Ҳалим Хоҷаев ба мухбири ОИ «Азия-Плюс» хабар дод, ки тибқи барномаи давлатии истифодаи захираҳои об соли равон дар ноҳияҳои Бобоҷон Ғафуров, Конибодом ва Мастчоҳ беш аз 40 чоҳи обӣ аз таъмир бароварда шуданд ва ҳамчунин таъмири боз 75 чоҳ дар ноҳияҳои Ҷаббор Расулов ва Бобоҷон Ғафуров ба нақша гирифта шудааст.

«Ҳаҷми корҳои таъмир аз ҳолати чоҳ ва воситаҳои таъмини фаъолияти он вобаста аст, – гуфт ӯ. – Таҷҳизоти фарсудаи электрикӣ ва трансформаторҳо иваз ё таъмир карда мешаванд ва ин имкон фароҳам месозад, ки мушкилоти норасоии об бартараф гардад».

Мавсуф зикр кард, ки ба ҷуз барқарорсозии фаъолияти чоҳҳо, ҳамчунин каналҳои асосии обёрикунӣ, ки заминҳои кишти вилоятро бо об таъмин месозанд, низ тоза карда мешаванд.