Тибқи рейтинги ҳафтаи гузаштаи шабакаи телевизионии «Дождь», пас аз ваъдаи тасдиқи созишномаи ҳузури пойгоҳи низомии 201-уми Русия дар қаламрави кишвараш тирамоҳи соли равон, президенти Тоҷикистон Эмомалӣ Раҳмон ба сафи 10-гонаи нюсмейкерҳо (афроди бештар дар сархати расонаҳо мавриди зикр қарорёфта)-и васоити ахбори умуми Русия шомил гардидааст.
«Дар рейтинги хабари «Ново-Огарёво, пойгоҳи 201-ум то соли 2042 дар Тоҷикистон мемонад. Дар навбати худ, Маскав афзоиши таъминот бо силоҳ ба Душанберо ваъда кард» ҷойгоҳи президенти Тоҷикистон ба таври қобили мулоҳиза боло рафта, зинаи 9-умро касб кард», – менависад шабакаи телевизионӣ.
Се ҷойи аввалро дар ин рейтинг Путин, Сноуден ва Медведев ишғол намудаанд. Дар зинаи чорум президенти ИМА Барак Обама қарор дорад, ки аз шарҳи қазияи ба корманди гурезаи мақомоти амнияти давлаташ Сноуден паноҳгоҳи муваққатӣ додани Русия худдорӣ варзида, ҷиҳати ба арзише қоил будани тирамоҳи соли равон ба вохӯрӣ бо Путин ба Русия омаданаш ба андеша рафтааст.
