Сафари расмии раиси Думаи давлатии Русия Сергей Наришкин ба Тоҷикистон, ки даҳаи аввали моҳи сентябр ба нақша гирифта шуда буд, ба нимаи аввали моҳи октябр мавқуф гузошта шуд.
Тавре ба ОИ «Азия-Плюс» як манбаъ аз палатаи поёнии парлумони ҷумҳурӣ хабар дод, сабабҳои мавқуф гузоштани сафар маълум нест.
«Зимни сафари Наришкин ба Душанбе диору гуфтшуниди ӯ бо президенти мамлакат Эмомалӣ Раҳмон дар назар аст. Дар мулоқот бо раиси палатаи поёнии парлумони ҷумҳурӣ Шукурҷон Зуҳуров масоили густариши ҳамкории байнипарлумонии Тоҷикистону Русия баррасӣ хоҳанд шуд», – гуфт манбаъ.
