Рӯзи 24-уми феврал дар Агентии назорати маводи нашъаовари назди Президенти ҶТ ҷаласаи якуми гурӯҳи кории кормандони мақомоти ҳифзи ҳуқуқи Ҷумҳурии Тоҷикистон оид ба баррасии масъалаҳои гузаронидани чорабинии маҳаллӣ дар чорчӯбаи амалиёти “Канал” баргузор гардид.
Бино ба иттили шуъбаи робита бо ҷомеаи Агентӣ, дар кори ҷаласа намояндагони Шӯрои амният, Вазоратҳои мудофиа ва корҳои дохилӣ, Кумитаи давлатии амнияти миллӣ, Сарраёсати Қӯшунҳои сарҳадии КДАМ ҶТ, Хадамоти гумрук, Агентии назорати маводи нашъаовари назди Президенти ҶТ, инчунин мушовири Котиботи Созмони Аҳдномаи Амнияти Дастаҷамъӣ -муовини Котиби Шӯрои ҳамоҳангсозии муқовимат бар зидди муомилоти ғайриқонунии маводи нашъаовари Созмони Аҳдномаи Амнияти Дастаҷамъӣ, намояндаи Хадамоти Федератсияи Россия оид ба назорати маводи нашъаовар иштирок намуданд.
Гуфта мешавад, дар ҷаласа масъалаҳои ташкилӣ оид ба тартиби гузаронидани амалиёт, ташкили гурӯҳҳои машқӣ-тамринӣ баррасӣ гардиданд.
