Чанде қабл вохӯрии Сафири Фавқулода ва Мухтори Ҷумҳурии Тоҷикистон дар Шоҳигарии Белгия Рустамҷон Солиев бо мири шаҳри Намури Шоҳигарии Белгия (ҳамзамон ноиби Раиси Ҳукумати вилояти Валлония) Максим Прево баргузор гардид. Бояд хотиррасон намуд, ки ш.Намур бо ш.Кӯлоби Тоҷикистон бародаршаҳр мебошанд.
Тавре аз саофрати Тоҷикистон дар Белгия хабар доданд, мақсад аз мулоқот идомаи гуфтушунидҳои доимии миёни ҷониби Тоҷикистон ва ҳукумати ш.Намур роҷеъ ба рушди муносиботи миёни ш.Намур ва ш.Кӯлоб ба ҳисоб мерафт.
Зимнан зикр гардид, ки ҷонибҳо вазъ ва дурнамои ҳамкории миёни ду бародаршаҳрро муфассал баррасӣ намуда, ба хотири густариши робитаҳои бародаршаҳрии шаҳрҳои Намур ва Кӯлоб тадорукоти як силсила чорабиниҳоро муҳокима карданд.
