Мақомоти шаҳрдории Душанбе дар робита ба ғанӣ гардонидани дастурхони сокинони пойтахт дар ҷашни Иди Қурбон ба хадамоти дахлдори шаҳр дастуру супоришҳо дод.
Сухангӯи раиси пойтахт Шавкат Саидов ба «Азия-Плюс» дар ин робита иттилоъ дод, ки мутобиқи дастур, бо истифода аз имконоти КВД «Истеҳсол, харид, захира ва фурӯши маҳсулоти ниёзи аввалия дар шаҳри Душанбе», бозорҳои «Шоҳмансур», «Саховат», «Деҳқон» ва «Қараболо»-и пойтахт ва ҳамчунин бозорҳои хусусӣ рӯзҳои 3-4-уми октябр ярмарка-фурӯши маҳсулоти саноатӣ ва кишоварзӣ баргузор мекунанд.
Зимнан зикр гардид, ки хадамоти дахлдори шаҳр вазъи санитарӣ ва зиддисӯхтор дар макони инчорабиниҳоро назорат карда, ҳамчунин тартиботи ҷамъиятиро таъмин мекунанд.
