Бо қарори Кумитаи иҷроияи Федератсияи футболи Тоҷикистон (ФФТ) Зайниддин Раҳимов сармураббии нави дастаи мунтахаби наврасони футболи Тоҷикистон (U-14) таъин карда шуд.
Бино ба иттилои сомонаи расмии ФФТ, сармураббии пешини даста Раҷаб Расулов барои натиҷаҳои ғайриқаноатбахш дар мусобиқоти Чемпионати Осиё-2014 ба истеъфо фиристода шудааст.
Гуфта мешавад, назди сармураббии нав вазифа гузошта шудааст, ки дар даври интихобии мусобиқоти Чемпионати Осиё-2016 роҳхат ба даст оварда, дар ин мусобиқот ба натиҷаи қобили қабул ва дастовард ноил гардад.
