Раиси палатаи поёнии парлумони Тоҷикистон Шукурҷон Зуҳуров имрӯз, 2 июл тариқи Маскав ба шаҳри Кисловодстк раҳсипор гардид, ки дар яке аз табобатгоҳҳои ин шаҳр қисмате аз рухсатии меҳнатии худро мегузаронад ва дар ин сафар ӯро аҳли оилааш ҳамроҳӣ мекунанд. Дар ин бора ба «Азия-Плюс» як манбаъ аз доираҳои ҳукуматӣ хабар дод.
Шукурҷон Зуҳуров аз моҳи марти соли 2010 ба ҳайси раиси палатаи поёнии парлумон ифои вазифа намуда, моҳи марти соли 2015 дубора ба ин мансаб интихоб шуд. Ӯ аз ҳавзаи интихоботии якмандатии Рашт вакили парлумон интихоб шуд.
Қобили зикр аст, ки дар Тоҷикистон ҳаёти шахсии нафарони аввали давлат пӯшида аст. Ба гунаи мисол, шаҳрвандони ҷумҳурӣ муддати 23 сол аз замони сарвари давлат интихоб шудани президенти мамлакат Эмомалӣ Раҳмон, то ҳанӯз дар бораи ба куҷо афзалият додану дар куҷо истироҳат кардани ӯ дар вақти рухсатии меҳнатӣ маълумоти саҳеҳ дарёфт карда наметавонанд.
