Вазири корҳои хориҷии Тоҷикистон Сироҷидин Аслов рӯзи 13 август ҳайати Вазорати корҳои хориҷии Японияро бо роҳбарии мудири генералии Бюрои умури Аврупо Ҳаҷиме Ҳаяши ба ҳузур пазируфт.
Бино ба иттилои Вазорати корҳои хориҷии ҶТ, дар ҷараёни мулоқот самтҳои асосии ҳамкориҳои дуҷониба ва бисёрҷонибаи Тоҷикистону Япония мавриди баррасӣ қарор гирифта, инчунин атрофи масъалаҳои минтақавию байналмилалии мавриди таваҷҷуҳи тарафайн табодули назар сурат гирифт.
Гуфта мешавад, ҳамин рӯз Сироҷиддин Аслов ҳамчунин бо директори минтақавии Бонки ҷаҳонӣ оид ба Осиёи Марказӣ Сароҷ Кумар Ҷа низ дидору гуфтушунид кард.
Ба иттилои манбаъ, зимни мулоқот масоили марбут ба дастгирии рушди иқтисодиву иҷтимоии кишвар ва густариши минбаъдаи робитаҳои Тоҷикистон бо Бонки ҷаҳонӣ мавриди баррасӣ қарор гирифта, ҷонибҳо ҳамчунин оид ба ҷараёни амалисозии лоиҳаҳои муштарак ва самтҳои афзалиятноки ҳамкорӣ табодули назар намуданд.
