Кормандони милитсия ҷавонзани 20-солаи сокини шаҳр Исфараро бо гумони тамаъҷӯӣ дастгир намуданд.
Бино ба маълумоти маркази матбуоти ВКД Тоҷикистон, гумонбаршуда, дар ҳудуди шаҳри Хуҷанд муддати муайян бо ҷавони 23-солаи сокини ноҳияи Мастчоҳ муносибати маҳрамона дошта, дар давоми аз моҳи августи соли 2014 то моҳи октябри соли 2015 ба воситаи тамаъҷӯӣ аз маъшуқаш 1 ҳазор доллари ИМА маблағ гирифтааст.
Гуфта мешавад, ҷавонзан ин маблағро бо таҳдиди паҳн кардани сабти наворҳои алоқаи ҷинсиашон тамаъ мекардааст.
Зимнан зикр мегардад, ки нисбати далели мазкур парвандаи ҷиноятӣ оғоз гардида, тафтишот дар ин самт идома дорад.
