Сафирони навтаъини Ҳиндустон ва Япония ҷиҳати иштирок дар маросими супоридани эътимодномаҳо ба Президенти Тоҷикистон ба Душанбе меоянд.
Бино ба иттилои Вазорати корҳои хориҷии ҷумҳурӣ, сафири тозатаъини Ҳиндустон дар Тоҷикистон Сомнат Гҳош имрӯз, 8 июл ба Душанбе омада, ташрифи сафири навтаъини Япония дар Тоҷикистон Хаҷимэ Китаока рӯзи 9 июл дар назар аст.
Ёдрас мекунем, ки рӯзи 13 феврали соли ҷорӣ дсобиқ сафири Ҳиндустон дар Тоҷикистон Бираҷа Прасада дар синни 42-солагӣ дар Душанбе бемаҳал аз олам даргузашт. Ӯ дар ин мансаб 5 моҳ ифои вазифа кард.
