Соли 2017 ба Тоҷикистон ба маблағи умумии 73,6 млн. доллар кумаки башардӯстона ворид гардид, ки нисбат ба соли 2016 ба миқдори 18 млн. доллар зиёдтар аст.
Бино ба маълумоти расмии оморӣ, ин кумак соли гузашта аз 53 кишвари дунё оварда шуда, маблағи умумиаш ба 73 млн. 633 ҳазор доллар баробар аст.
Соли 2017 кишвари нисбатан бузургтарини мададарасон ба Тоҷикистон Чин дониста шудааст, ки 32,2 фоиз аз ҳаҷми умумии кумак ба ин кишвар рост меояд.
Дар идома Русия (18,6%), Сербия (11,7%), Ҳиндустон (6,9%), Туркия (3,6%), Швейтсария (3,3%), Қазоқистон (2,8%), Олмон (2,7%), ИМА (2,3%), Нидерланд ва Белгия (1,8%-ӣ), Ҷумҳурии Корея (1,7%), Шветсия (1,2%), Дания, Австрия ва Италия (1%-ӣ), Юнон ва Латвия (0,8%-ӣ) ва дигар кишварҳо ҷойгир шудаанд.
Ёдрас мекунем, ки соли 2016 ба Тоҷикистон аз 55 кишвари саросари дунё ба маблағи 55 млн. 800 ҳазор доллар кумаки башардӯстона ворид гардида буд, ки қариби нисфи он ба Русия (25,9%) ва Чин (24%) рост омада буд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
