Як ноболиғ дар пойтахт бе ҳуҷҷати ронандагӣ сари чамбарак нишаста, ба садамаи нақлиётӣ роҳ додааст, ки бар асари он 1 кас фавтидаву 3 нафар маҷруҳ шуданд.
Тибқи иттилои маркази матбуоти ВКД ҶТ, ин ҳодиса рӯзи 16-уми октябр дар кӯчаи Туниси шаҳри Душанбе рух додааст. Ронандаи 17-солаи автомашинаи тамғаи «ВАЗ-21099» аз идораи воситаи нақлиёт набаромада, пиёдагардон Саид Юсуфов ва Салимҷон Маҳмадшоевро пахш кардаву ба дарахти канори роҳ бархӯрдааст.
Дар натиҷа мусофири автомашинаи мазкур Азиз Ҳафизов аз ҷароҳатҳои вазнини бардошта дар беморхона фавтидааст. Мусофирони дигари воситаи нақлиёт Манучеҳри Ӯктам ва Шариф Раҷабов, инчунин пиёдагард Саид Юсуфов бо ҷароҳатҳои гуногун бистарии дармонгоҳ шудаанд.
Аз рӯйи ин ҳодиса тафтишот идома дорад.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
