Тими миллии наврасони то 17-солаи Тоҷикистон дар бозии даври аввали марҳилаи интихобии Ҷоми Осиё-2025 дарвозаи дастаи яккачини Гуамро голборон кард.
Ин рақобат дар кишвари Сингапур баргузор гардида, бо натиҷа 33 бар 0 ба фоидаи Тоҷикистон поён ёфт. Наврасони тоҷик 17 голи ин вохӯриро дар 45 дақиқаи қисми аввал ба самар расонданд.
Баъди ин ғалабаи бузург футболбозони навраси тоҷик соҳиби се имтиёз ва садрнишини гурӯҳи “J” шуданд. Дар бозии навбатӣ наврасони кишвар бо ҳамтоёни худ аз Сингапур дидор анҷом медиҳанд. Баргузории ин бозӣ рӯзи 25-уми октябр дар назар аст.
Бозии охирини тими миллии наврасони то 17-солаҳои кишвар дар гурӯҳи “J” бо Уммон рӯзи 27-уми октябр хоҳад буд.
