Ҷудокорони тоҷик аз мусобиқаи Ҷоми Осиё миёни наврасону ҷавонон 5 медал, 2 нуқра ва 3 биринҷӣ ба даст оварданд.
Ин мусобиқа аз 3 то 6-уми июл дар шаҳри Алматои Қаазоқистон баргузор гардид ва кишвари моро 37 ҷудокор, 15 нафар миёни наврасон ва 22 кас миёни ҷавонон намояндагӣ карданд.
Миёни наврасон ду паҳлавони тоҷик – Лоиқ Қутбуддинов дар вазни то 60 кг медали нуқра ва Бобоҷон Шаропов дар вазни то 73 кг медали биринҷӣ ба даст оварданд.
Дар рақобатҳо миёни ҷавонон бошад, се ҷудокори мо – Искандар Маҳмадхоҷазода дар вазни то 66 кг соҳиби медали нуқра, Умар Шеров дар вазни то 66 кг ва Бинёмин Назаров дар вазни то 73 кг соҳиби медали биринҷӣ шуданд.
Тибқи иттилои расмӣ, дар Ҷоми Осиё миёни наврасону ҷавонон дар Қазоқистон 459 ҷудокор аз 10 кишвари қора иштирок кардаанд.
