Душанбе. 28-уми июл. ОИ «Азия-Плюс» – Пахта то ҳанӯз маҳсулоти кишоварзии аз ҳама бештар даромадноки Тоҷикистон маҳсуб мегардад.
Чӣ тавре ки ба ОИ «Азия-Плюс» сардори раёсати рустанипарварии Вазорати кишоварзии ҶТ Саидмурод Баҳриддинов иттилоъ дод, агар деҳқонон аз як гектар 10-12 сентнер ҳосили пахта ба даст оранд, пас парвариши зироатҳои ғааладона фоидаовартар хоҳад буд. «Феълан пахтакорони ҷумҳурӣ аз як гектар то 25 сентнер ҳосил ҷамъоварӣ мекунанд», – гуфт ӯ.
Ба гуфтаи ӯ, аз 173 ҳазор гектари барои кишти чигит пешбинишуда, айни замон дар майдони 171 ҳазор гектар нашъунамои пахта хуб ҷараён дорад. «Албатта, баъзе норасоиҳо, аз ҷумла камбуди нуриҳои минералӣ эҳсос мешавад, вале деҳқонон мувофиқи имконот саривақт корҳои агротехникиро анҷом дода истодаанд», – изҳор дошт вай.
С.Баҳриддинов афзуд, соли равон мутахассисони вазорат ба он хоҷагиҳое, ки аз 20 сентнер камтар ҳосили пунбадона ба даст оварда буданд, тавсия додааст, ки аз парвариши пахта даст кашанд.
