Бахшида ба ҳаштумин барномаи мактаби забономӯзии Вазорати Мудофиаи Британия, сафири Британия дар Тоҷикистон ҷаноби Робин Орд-Смит дирӯз донишҷӯёни мактаби мазкурро ба ҳузур пазируфт.
Тавре аз сафорати Британияи Кабир дар ҶТ хабар доданд, ин барнома яке аз ҷузъи ӯҳдадориҳои Ҳукумати Британия барои таъмин намудани амният ва субот дар Афғонистон мебошад ки Тоҷикистон барои амали кардани он нақши муҳимро мебозад. Дар чорабинии мазкур намояндагони Вазорати Мудофиаи Тоҷикистон, Донишкадаи Низомии ш. Душанбе, хабарнигорони маҳаллӣ ва кормандони Сафорати Афғонистон дар Тоҷикистон ва оилиҳои гурезаи Афғон ҳузур доштанд.
Ҷаноби Робин Орд-Смит дар кушодашавии чорабинӣ суханронӣ намуда, аз ҷумла изҳор дошт, ки ин яке аз ҷузъҳои муҳими барномаи дуҷонибаи байни Ҳукумати Тоҷикистон ва Бритиния мебошад. «Ин курсҳои омӯзиши забон ба донишҷӯён имкон медиҳад то онҳо худро дар фазои ором ки ҷуғрофан ба Афғонистон наздик аст, забон ва урфу одати маҳаллиро биомӯзанд. Ҳамаи донишҷӯёни забономӯз дар ояндаи наздик ба Афғонистон вуруд мешаванд ва дар рафти адо намудани хизмати ҳарбии худ дар Афғонистон забони омӯхтаашонро истифода мебаранд», – иброз дошт ӯ.
Қобили зикр аст, ки мактаби забономӯзии Вазорати Дифои Британия ба донишҷӯёни низомӣ забонҳои гуногун ва инчуни форсӣ ва пуштуро меомӯзонад. Донишҷӯёни интихобшада ба мӯҳлати 3 ё 4 ҳафта ба Тоҷикистон меоянд. Ҳангоми будан дар Тоҷикистон, онҳо дар Донишкадаи Низомии ш. Душанбе ва дар мактаби Афғонӣ таҳсил мекунанд ва бо тоҷикон ва афғониҳо ҳамроҳ барои такмил додани забон ва фаҳмиши урфу одат кор мебаранд. Ин барнома ба донишҷӯён имкон медиҳад ки онҳо забони омӯхтаистодаашонро равон ҳарф зананд ва инчунин урфу одати маҳаллиро хуб биомӯзанд.
