Дар муқоиса бо моҳи январи соли гузашта моҳи январи соли равон тамоили коҳиши назарраси фаъолияти сармоягузорӣ дар Тоҷикистон ба мушоҳида мерасад.
Тавре ба ОИ «Азия-Плюс» аз Вазорати рушди иқтисод ва савдои ҷумҳурӣ иттилоъ доданд, моҳи январ ҳаҷми сармоягузориҳо аз тамоми сарчашмаҳои маблағгузорӣ 168,3 млн. сомонӣ (35,3 млн. $)-ро ташкил додааст, ки нисбат ба ҳамин давраи соли гузашта ба 76,8% баробар аст.
Ба иттилои манбаъ, аксари сармоягузориҳо (37,4%) ба бахши давлатӣ равона шудаанд. Ҳаҷми сармоягузорӣ ба бахши хусусӣ 33,9%, корхонаҳои муштарак – 8,5% ва моликияти хориҷӣ – 20,2%-ро ташкил медиҳанд.
Зимнан зикр гардид, ки аз ҳаҷми умумии сармоягузориҳо дар ин давра ба бахши энергетика 18,8%-и маблағҳо, аз ҷумла барои сохтмони иншооти энергетикӣ 31,7 млн. сомонӣ (6,6 млн. $) маблағ равона гардидааст.
