Субҳи имрӯз президенти Тоҷикистон Эмомалӣ Раҳмон ҷиҳати иштирок дар маросими расмии оғози сохтмони роҳи оҳани Туркманистон – Афғонистон – Тоҷикистон ба Туркманистон сафар кард.
Бино ба иттилои хадамоти матбуоти сарвари давлат, дар ин сафар Эмомалӣ Раҳмонро вазири корҳои хориҷӣ Ҳамрохон Зарифӣ, мушовири давлатии президенти ҶТ оид ба сиёсати хориҷӣ Эркин Раҳматуллоев, вазири нақлиёт Низом Ҳакимов ва дигар шахсони расмӣ ҳамроҳӣ мекунанд.
Тавре қаблан иттилоъ дода будем, имрӯз бо иштироки сарони кишварҳои Тоҷикистону Афғонистон ва Туркманистон маросими
оғози сохтмони
қитъаи туркманистонии роҳи оҳани Туркманистон-Афғонистон-Тоҷикистон доир мегардад.
