Чанде қабл дар шаҳри Бангкоки Шоҳигарии Тайланд Вазири корҳои хориҷии Ҷумҳурии Тоҷикистон Ҳамрохон Зарифӣ Директори Департаменти кишварҳои Осиёи Ҷанубӣ, Шарқи Наздик ва Африқои Вазорати корҳои хориҷии Шоҳигарии Тайланд Томвита Ярнсонаро ба ҳузур пазируфт.
Бино ба иттилои Вазорати корҳои хориҷии ҷумҳурӣ, мавзӯи асосии сӯҳбат омодагӣ ба сафари расмии қарибулвуқуи Сарвазири Шоҳигарии Тайланд хонум Йинглак Чиннават ба Ҷумҳурии Тоҷикистон, инчунин иштироки Сарвазири Тайланд дар кори «Конфронси байналмилалии сатҳи баланди ҳамкорӣ дар соҳаи об, 2013» буд.
Зимни мулоқот ҷонибҳо масоили рӯзномаи Конфронси мазкур, густариш додани заминаи шартномавӣ-ҳуқуқӣ, фаъол гардонидани робитаҳои дуҷониба, ҳамкориҳо дар чаҳорчӯбаи созмонҳои байналмилалиро мавриди муҳокима қарор доданд. Ҳамчунин масоили марбат ба кушодани хатсайри ҳавоӣ байни ду давлат баррасӣ карда шуданд.
