Сафири Тоҷикистон дар Қувайт Зубайдулло Зубайдов бо муовини сарвазир, вазири молия ва вазири нафт, ҳамзамон хамраиси Комиссияи муштараки байниҳукуматии Тоҷикистону Қувайт оид ба ҳамкориҳои тиҷоративу иқтисодӣ ва илмию техникӣ Мустафо аш-Шимолӣ баргузор гардид.
Ба иттилои Шӯъбаи иттилооти ВКХ-и ҶТ, Мустафо аш Шимолӣ, қаноатмандии ҷониби Қувайтро аз натиҷаҳои сафари кории сарвари давлат Эмомалӣ Раҳмон изҳор намуда, омодагии худро ҷиҳати андешидани тадбирҳои муштарак дар роҳи амалисозии муоҳидаҳои ба дастомада таъкид сохт.
Муовини сарвазир қайд кард, ки барои Қувайт проблемаи оби нӯшокӣ хеле мубрам буда, аз ин рӯ кишвараш ба ташаббусҳои Тоҷикистон дар арсаи байналмилалӣ дар масъалаи об баҳои баланд медиҳад.
Мустафо аш-Шимолӣ иттилоъ дод, ки ҳайати баландпояи Қувайт дар Конфаронси байналхалқии сатҳи баланд оид ба ҳамкорӣдар соҳаи об, ки моҳи август дар шаҳри Душанбе доир хоҳад гашт, ширкат меварзад.
