Дар вохӯрии нахустини мусобиқоти футболи хурд барои дарёфти Ҷоми дастаи футболи «Истиқлол» тими Федератсияи футболи Тоҷикистон бар дастаи «Агронивестбонк» бо ҳисоби 8 бар 4 дастболо шуд.
Бино ба маълумоти сомонаи расмии ФФТ, дар ин бозӣ президенти ФФТ Рустами Эмомалӣ 5 ва сармураббии дастаи мунтахаби футболи ҷумҳурӣ Мӯҳсин Муҳаммадиев 3 тӯб ба дарвозаи ҳариф ворид карданд. Бозии дуюми дастаи ФФТ бо Суди ноҳияи Сино рӯзи 21-уми август доир мегардад.
Вохӯриҳои дигари мусобиқот чунин анҷом ёфтанд: «Амонатбонк» – «Кумитаи варзиш» – 12:6; Академияи «Истиқлол» – «Аэропорт» – 8:2; «Барқи тоҷик» – Суди ноҳияи Сино 7:1 ва ОМОН ВКД – «Ориёнбонк» – 3:3.
