Шурӯъ аз пагоҳ вохӯриҳои вакилони палатаи поёнии парлумони ҷумҳурӣ бо интихобкунандагон оғоз мегардад. Ин вохӯриҳо тибқи регламенти Маҷлиси намояндагони Маҷлиси Олии ҶТ доир гардида, то 22-юми сентябр идома меёбанд.
Тавре ба ОИ «Азия-Плюс» котиби матбуоти палатаи поёнии парлумони ҷумҳурӣ Муҳаммадато Султонов хабар дод, зимни вохӯриҳо вакилон бо вазъи иҷтимоиву иқтисодӣ дар манотиқи кишвар ва мушкилоти аҳолӣ аз наздик ошно мегарданд.
«Ҳамчунин вакилон ба интихобкунандагон роҷеъ ба фаъолияти худ дар парлумон ва ҷараёни корҳо ҷиҳати амалисозии барномаҳои пешазинтихоботӣ маълумот медиҳанд», – иброз дошт М.Султонов.
