Рӯзи якшанбеи ҳамин ҳафта раиси Думаи давлатии Русия Сергей Наришкин бо сафари дурӯзаи расмӣ ба Тоҷикистон меояд.
Дар ин робита раиси Маҷлиси намояндагони Маҷлиси Олии ҶТ Шукурҷон Зуҳуров ба раисони кумитаву комиссияҳои палатаи поёнии парлумон ҷиҳати омодагирӣ ба гуфтушунидҳои байнипарлумонӣ супориш дод.
«Бо дархости мо ба ҳайати Русия сардори Хадамоти федералии муҳоҷирати ин кишвар Константин Ромодановский шомил гардида, ман аз Хадамоти муҳоҷирати Тоҷикистон дархост мекунам, ки ҷараёни иҷрои созишномаву қарордодҳои баимзорасида дар бахши муҳоҷират миёни кишварҳоро мавриди таҳлили дақиқ қарор бидиҳанд», – гуфт Зуҳуров.
Зимни сафари расмии раиси Думаи давлатии Русия Сергей Наришкин ба Тоҷикисион дидору гуфтушуниди ӯ бо президенти Тоҷикистон Эмомалӣ Раҳмон дар назар аст.
