Имрӯз дар Агентии назорати маводи нашъаовари назди Президенти Ҷумҳурии Тоҷикистон вохӯрии Директори Агентӣ генерал-лейтенанти милитсия Р. Назаров бо сафири Олмон дар Ҷумҳурии Тоҷикистон Ҳолгер Грэн баргузор гардид.
Бино ба иттилои шуъбаи робита бо ҷомеаи АНМН, директори Агентӣ Р. Назаров ба ҳамкориҳои дуҷонибаи Агентӣ ва Сафорати ҶФО дар ҶТ дар муқовимат ба муомилоти ғайриқонунии маводи нашъаовар баҳои баланд дода, оид ба вазъи нашъамандӣ дар минтақа ва дар Тоҷикистон изҳори ақида карда, дар бораи тадбирҳои андешидаи Ҳукумати ҶТ дар самти мубориза бо қочоқ ва муомилоти ғайриқонунии маводи нашъаовар нақл намуд.
Ба иттилои манбаъ, Р.Назаров қайд намуд, ки механизми ҳамкориҳои мавҷудаи ду давлат имконият медиҳанд, ки ба муқобили ситезаҷӯиҳо, ҷиҳати пешгирии хатар ва таҳдидҳои нави мухаддиротӣ муқобилият нишон диҳем.
Зимнан зикр мегардад, ки дар навбати худ ҷаноби Холгер Грэн барои қабули самимӣ миннатдорӣ баён карда, ба ҳамкориҳои муфид ва самарабахши байни Агентии назорати маводи нашъаовари назди Президенти Ҷумҳурии Тоҷикистон ва Сафорати Ҷумҳурии Федеративии Олмон дар Ҷумҳурии Тоҷикистонро дар вақтҳои охир баҳои баланд дод.
Сафири Олмон қайд кард, ки Иттиҳоди Аврупо кӯшиш ба харҷ медиҳад, то ин ки ҳамкориҳо бо кишварҳои Осиёи Марказӣ, аз ҷумла бо Тоҷикистон дар ин самт боз ҳам густариш ёбанд.
