Дастаи мунтахаби футболи хурд (футзал)-и Тоҷикистон имрӯз таҳти раҳбарии сармураббӣ Дамир Камалетдинов ҷиҳати иштирок дар марҳилаи ниҳоии мусобиқоти Чемпионати Осиё-2014 ба Ветнам раҳсипор мешавад. Ин мусобиқот аз 30-юми апрел то 10-уми май дар шаҳри Ҳошимини ин кишвар баргузор мешавад.
Бино ба иттилои сомонаи расмии Кумитаи миллии олимпии Тоҷикистон, ҳайати мунтахаби Тоҷикистон иборат аз 19 нафар нахуст ба шаҳри Алмаато парвоз намуда, сипас ба Ҳошимин мераванд.
Ба ҳайати мунтахаби кишвар инҳо дохиланд: дарвозабонҳо – Миралӣ Шарифов, Мурод Алиқулов ва Шӯҳрат Бибудов, бозигарон – Шерзод Ҷумъаев, Мансур Мамедбобоев, Хуршед Маҳмудов, Аҳтам Назаров, Алишер Улмасов, Орзу Додхудоев, Самад Шоҳзуҳуров, Арсен Фаронбеков, Шавкат Ҳалимов, Дилшод Саломов ва Далер Ақназаров.
Бозии аввали дастаи Тоҷикистон бо тими Қувайт рӯзи 30 юми апрел доир гардида, сипас мунтахаби ҷумҳурӣ санаи 2-юми май бо тими мизбон – дастаи Ветнам ва рӯзи 4-уми май бо дастаи Ироқ қувваозмоӣ мекунад.
Дар мавриди роҳ ёфтан ба даври баъдӣ – чорякниҳоӣ, мунтахаби Тоҷикистон бо яке аз дастаҳои гурӯҳи «В» – Эрон, Австралия, Чин ва Индонезия рақобат мекунад.
