Санаи 24-уми декабр таҳти раёсати раиси Комиссияи марказии интихобот ва раъйпурсӣ (КМИР)-и Тоҷикистон Шермуҳаммад Шоҳиён ҷаласаи комиссия доир гардид, ки дар он масъалаи таъсиси ҳайати 27 ҳавзаҳои интихоботии якмандатӣ барои интихоби вакилон ба Маҷлиси намояндагони Маҷлиси Олии Тоҷикистон баррасӣ шуд.
Роҳбари дастгоҳи КМИР Тоҷикистон Абдуманнон Додозода ба «Азия-Плюс» дар ин робита иттилоъ дод, ки мутобиқи меъёрҳои қонунгузорӣ таъсиси ҳавзаҳои интихоботии якмандатӣ оид ба интихоби вакилон ба палатаи поёнии парлумон бо пешниҳоди мақомоти мҳхаллии ҳокимияти давлатӣ бо назардошти тавсияҳои сохторҳои маҳаллии аҳзоби сиёсӣ дар қаламрави ҳавзаи интихоботӣ сурат мегирад.
