Санаи 24 декабри 2014 дар Қоҳира мулоқоти Сафири Ҷумҳурии Тоҷикистон дар Ҷумҳурии Арабии Миср Хусрав Нозирӣ бо Мудири Идораи Аврупои Дабирхонаи Ҷомеаи Давлатҳои Арабӣ Умния Тоҳо баргузор гардид.
Бино ба иттилои сафорати Тоҷикистон дар Миср, дар ин мулоқот масъалаҳои густариши ҳамкорӣ байни Тоҷикистон ва Ҷомеаи Давлатҳои Арабӣ бар пояи тавофуқҳое, ки дар Нахустин Форуми иқтисод ва ҳамкории арабӣ бо кишварҳои Осиёи Марказӣ ва Ҷумҳурии Озарбойҷон дар Риёз 13 майи 2014 ҳосил шуда буданд, баррасӣ гардиданд.
Қобили зикр аст, ки Ҷомеаи Давлатҳои Арабӣ созмони минтақавии кишварҳои арабист, ки дар Қоҳира 22 марти 1945 таъсис ёфта, 22 кишвари узв дорад.
